成记烧鸡档

  烧鸡店每个镇街都有

  但系小编就系中意“撸嗨甘远”都要去D偏僻D

  一般人稳唔到既地方去探索D特色美食

  呢间烧鸡档唔同一般既烧鸡店

  因为成记烧鸡档

  从一只识走识叫既<活鸡>

  送上到餐桌既<烧鸡>

  每一个制作过程、每一个出黎步骤

  都一一可以现场睇到

  老板要求做到就系：

  即捉●即点●即劏●即烧●即食

  1先缉拿一只走地鸡---

  ▶成记烧鸡档有自己既鸡场，专门为大家食到新鲜靓鸡而设。只只生猛，呢D鸡系老板从开平运落黎，开平果场鸡，认真不一样，每只都控制系3斤重左右，肉质嫩滑，有鸡味。

  ▶睇佢甘嚣张既表情就知道呢D鸡种高质素，鸡身靓，肥瘦适中，做烧鸡真系一流。见你落单，甘孤独，就食你~~

  2肉在砧板上，唔到你话唔投降---

  ▶将新鲜缉拿既鸡即场劏好，处理得干净利落，卫生整洁。将内脏清除出黎，冲洗干净，然后马上用秘制调料腌味，最后送入炉里面烧制。

  3囚禁入火坑，进行火刑---

  ▶一个个用水泥砌出来既烧鸡炉显得格外原始，就好似乞丐鸡做法一样，甘原始简单。用既都系实木，柴火高温烧制而成。

  ▶唯一既特点，就系手法令你意想不到，老细话系D鸡下面放上一个铜盘，接住D鸡油、鸡汁，可以防止水分流到柴火上面而生起黑烟，影响烧鸡既卖相，最重要系唔会产生致癌物质。

  ▶另外，呢度既烧鸡头向下，PP向上，原理系火力向上，目的就系让鸡受热更均匀，防止鸡头烧焦，更可以保留烧鸡入面既水分，唔会太干身，食起身更嫩滑、更加有鲜味。

  4刑期已满，烧鸡就是这样炼成的---

  ▶经过20分钟左右既处理，一只新鲜活鸡，已经烧到香喷喷、金金黄，摆到你面前，由你主宰，煎皮拆骨。

  ▶老细教路，烧鸡一定要趁热食!!小编早就准备就绪，戴好手套坐定定系度等食!一撕开只鸡比，已经听到鸡皮爆开既撕裂声，未食就知道鸡皮烧到又薄又脆。

  ▶鸡皮，融入晒秘制调料，口感香脆惹味，好似食薯片甘，脆卜卜~皮肉分离，少肥膏，肉鲜嫩，食落仲有鸡汁爆出，嫩滑爽口，经过甘高温既烧烘之后，依然可以尝到新鲜鸡既鲜味，简直系烧鸡中既战斗机~~

  甘原始制作，当然还要有原始既环境，食得更加滋味，夏天黎到呢度，近住鱼塘边，周围无车水马龙既汽车，无城市既喧哗，感受一下农家风情既自然气息，真系山长水远都值得一来。